Лукашэнка не выключае, што Баўмгертнера могуць экстрадыраваць у Расію
Там ён можа спатрэбіцца для правядзення следчых дзеянняў пасля таго, як расійская Генпракуратура атрымае дакументы па яго справе.
Пра гэта кіраўнік краіны заявіў сёння на нарадзе па бягучых эканамічных і знешнепалітычных пытаннях. На нараду быў запрошаны намеснік генеральнага пракурора Расіі Аляксандр Звягінцаў.
"Калі расійскія следчыя будуць зацікаўленыя ў экстрадыцыі адпаведнага затрыманага [Уладзіслава Баўмгертнера. — Заўв. БелТА], які намі быў затрыманы, то я тут не бачу адмысловых перашкодаў. Мы абсалютна за яго не трымаемся. Калі сапраўды па законе разбяруцца, а на тым баку [расійскім. — Заўв. БелТА] шкода каласальная, і яна бачная няўзброеным вокам. Таму, калі раптам спатрэбіцца, мы не павінны перашкаджаць і гэтаму. Трэба зрабіць усё, каб мы разам з расіянамі даследавалі гэты канфлікт, і што за ім стаіць. А за ім стаіць велізарная шматмільярдная сума грошай, страчаных Беларуссю і Расіяй, і вызначаныя высокапастаўленыя жулікі ў Расійскай Федэрацыі", — цытуе Аляксандра Лукашэнку інфармагенцтва БелТА.
