Лукашэнка патрабуе хутчэй ствараць Кітайска-беларускі індустрыяльны парк

Аляксандр Лукашэнка згадаў пра свой афіцыйны візіт у Кітайскую Народную Рэспубліку. Ён паведаміў ураду пра неабходнасць дэталёвай прапрацоўкі ўсіх дасягнутых з кітайскім бокам дамоўленасцяў, асабліва ў кантэксце хуткай сустрэчы прэм'ер-міністраў Беларусі і Кітая. На думку кіраўніка Беларусі, гэтая сустрэча дазволіць зняць усе наяўныя пытанні ў гандлёва-эканамічнай і фінансавай сферах.

"Мы выйшлі на стратэгічны ўзровень партнёрства. Гэта не проста словы, Кітай гэтаму надае вельмі сур'ёзную ўвагу, надае вялікае значэнне, і была дамоўленасць, што мы на гэтым этапе павінны выпрацаваць план нашых мерапрыемстваў, калі гэта высокі ўзровень супрацоўніцтва, нейкую "дарожную карту", як прынята сёння казаць. І ваша сустрэча будзе найважнейшым этапам у падрыхтоўцы гэтай "дарожнай карты", — перадае БЕЛТА зварот Лукашэнкі да Мясніковіча.

Фота — ctv.by