Магамедаў і Саідаў пацярпелі паразы ў спаборніцтвах па вольнай барацьбе ў Рыа
Прадстаўнікі Беларусі ў алімпійскіх спаборніцтвах па вольнай барацьбе пацярпелі паразы. У 1/8 фіналу Амаргаджы Магамедаў у вагавай катэгорыі да 86 кг выступаў супраць амерыканца Майкла Тборы Кокса, які абыграў беларускага барца з лікам 7:1.
Іншы беларускі барэц Ібрагім Саідаў прайграў у ¼ фіналу ў вагавай катэгорыі да 125 кг. Яго сапернікам быў турак Тах Акгюль. Спарынг завяршыўся датэрмінова, бо перавага турка, дзеючага чэмпіёна свету, дасягнула 10 балаў. Канчатковы лік — 11:0 на карысць Акгюля.
Далейшы лёс беларускіх барцоў на алімпійскім турніры залежыць ад поспеху іх сапернікаў.
