Міліцыя будзе выстаўляць пасты і абмяжоўваць рух па ўсёй Беларусі
Міліцэйская трэніроўка / МУС
Ва ўсіх тэрытарыяльных органах МУС па 30 верасня будуць праходзіць трэніроўкі па зладжанасці дзеянняў асабовага складу ў асаблівых умовах, паведамляе прэс-служба ведамства.
Міліцыя будзе адпрацоўваць алгарытм затрымання ўмоўных правапарушальнікаў у населеных пунктах.
"Па гэтай прычыне на асобных тэрыторыях магчымыя абмежаванні руху транспарту і пешаходаў, выстаўленне пастоў, правядзенне іншых абмежавальных мерапрыемстваў", — папярэджваюць у МУС.
Сілавікі кажуць, што гэта часовыя нязручнасці, і просяць з разуменнем паставіцца да іх.
