Міліцыя затрымлівала ў Мінску відэааператара БелаПАН Васіля Сямашку
Яго схапілі каля 16.30 каля Кастрычніцкага РУУС сталіцы, дзе ён выконваў рэдакцыйнае заданне.
Як паведамляе БелаПАН, Васіля Сямашку міліцыянты затрымалі ў той момант, калі ён здымаў на відэакамеру актывістаў грамадзянскай кампаніі "Гавары праўду", якія выходзілі з будынка. Нагадаем, у суботу міліцыя затрымала каля 30 актывістаў, якія былі ў мінскім офісе. На аўтазаку іх прывезлі ў РУУС Кастрычніцкага раёна. Іх ужо пачалі паступова выпускаць.
Васіля Сямашку пратрымалі каля гадзіны, быў выдалены зняты ім відэаматэрыял. Цяпер ён ужо на волі.
У Мінску сёння затрыманыя дзясяткі чалавек (фота, відэа)
Фота — mfront.net
