Мінімальны заробак у Беларусі з Новага года вырасце на 71 рубель
У Беларусі падымуць мінімальны заробак / Еўрарадыё
У Беларусі з 1 студзеня вырасце мінімальны заробак, заявіў кіраўнік урада Раман Галоўчанка. Ён павысіцца на 71 рубель.
Па словах Галоўчанкі, якія перадае БЕЛТА, сёлета мінімальны заробак вырас на 15,6%: на пачатку года ён складаў 418 рублёў, цяпер — 483 рублі. "А з 1 студзеня яго памер будзе дадаткова павышаны на 14,7% і складзе 554 рублі. Такое рашэнне ўрад прыме ў бліжэйшы час", — анансаваў чыноўнік.
Таксама ён заявіў, што ў кастрычніку заробак (верагодна, маецца на ўвазе сярэдні) у беларускай эканоміцы — 1636 рублёў.
