МЗС працягне актыўна прасоўваць беларускую прадукцыю ў замежжа (відэа)
Пра гэта было заяўлена на выніковай калегіі знешнепалітычнага ведамства нашай краіны, якая прайшла ў панядзелак у Мінску.
У ёй удзельнічалі міністр замежных спраў Уладзімір Макей і прэм'ер-міністр Міхаіл Мясніковіч.
Гаворка ішла пра слабыя месцы знешнеэканамічнай дзейнасці. З "крытычнай ацэнкай дасягнутых вынікаў працы" выступіў Уладзімір Макей, "канкрэтныя прапановы" прагучалі ад амбасадараў Беларусі ў Італіі, Украіне, Сербіі і Індыі.
Было заяўлена, што сёлета "ў цэнтры ўвагі МЗС і замежных установаў будуць заставацца максімальнае выкарыстанне экспартнага патэнцыяла нашай краіны, а таксама прыцягненне наўпроставых замежных інвестыцый у мэтах яго далейшага нарошчвання і мадэрнізацыі нацыянальнай эканомікі", інфармуе "Интерфакс-Запад".
Фота — БЕЛТА
