На "Гонцы легенд" у Раўбічах з вялікага спорту праводзілі Домрачаву і Скардзіна
У спарткомплексе "Раўбічы" 18 лютага адбылася "Гонка легендаў". Гэты біятлонны турнір праходзіць ужо трэці раз.
У жаночым мас-старце перамагла беларуская спартоўка Надзея Скардзіна. На другім месцы была Ганна Багалій з Расіі, а трэцяй стала Сімона Хаўсвальд з Германіі.
Сярод мужчын у мас-старце лепшым быў украінец Андрэй Дзярыземля, які апярэдзіў нарвежца Уле-Эйнара Б'ёрндалена. Трэцяе месца на п'едэстале заняў беларус Сяргей Новікаў.
А ў змяшанай эстафеце не было роўных беларускаму дуэту Скардзіна і Новікава.
Завяршыўся турнір ўрачыстымі праводзінамі. З вялікага спорту праводзілі чатырохразовую алімпійскую чэмпіёнку Дар'ю Домрачаву і алімпійскую чэмпіёнку Надзею Скардзіна.
