На Мазырскім НПЗ начальнік участка збіў рабочага
У Мазыры звольнены з працы механік 12-га цэха нафтаперапрацоўчага заводу, сябра Незалежнага прафсаюза Іван Шабан звярнуўся з іскам у суд.
Па яго словах, начальнік участка Алег Шкурко нанёс яму лёгкія цялесныя пашкоджанні. Пашкоджанні зафіксавала судмедэкспертыза. Шабан просіць суд прызначыць начальніку адміністрацыйнае пакаранне, перадае Радыё "Свабода".
Па словах заяўніка, лёгкія цялесныя пашкоджанні начальнік нанес яму на працы, калі ён спрабаваў запісаць на мабільнік чарговыя неабгрунтаваныя прэтэнзіі таго.
Разгляд заявы Івана Шабана Мазырскі раённы суд прызначыў на 11 лістапада.
Фота: crimea.ukraineinfo.net
