На Міншчыне прайшоў рэтрамотафестываль "Кола часу-2014" (відэа)
У Цэнтры экалагічнага турызму "Станькава" сабраліся 100 удзельнікаў-уладальнікаў, рэстаўратараў і калекцыянераў байкаў розных марак з 9 краін Еўропы.
Вось што распавёў у інтэрв'ю БЕЛТА арганізатар фэста Алег Гапановіч:
"Гадоў 5 таму з'явілася ідэя сабраць хлопцаў, аматараў, якія любяць гэтую незвычайную прыгожую двухколавую тэхніку. Каб яны змаглі яе паказаць, а гледачы змаглі пабачыць гэтыя цудоўныя асобнікі. Сёлета ў нас прадстаўленыя ўжо 9 еўрапейскіх краін, больш за 100 матацыклаў".
У "Станькава" можна было пабачыць не толькі выставу рэтрамотатэхнікі, але і рэтрамотаралі, паказ мод і разнастайныя конкурсы.
Публіцы ўпершыню быў прадстаўлены музейны экспанат — аўтамабіль Ford model T 1924 года выпуску.
