На НТВ прайшліся па сустрэчы Лукашэнкі і Пампеа

Не паспеў Пампеа выляцець з Мінска, як расійскія аналітыкі пачалі заяўляць, што наладзіць такія пастаўкі нафты немагчыма. Цяпер жа прыйшла чарга гумарыстаў. На думку вядучага праграмы Тыграна Кеасаяна, "канкурэнтныя цэны ад ЗША вылічаюцца па формуле: купляй або ракетай ***", а "для Беларусі канкурэнтная цана — гэта бясплатна".

Жарты ў сюжэце былі, у асноўным, пра амерыканцаў, якія не разбіраюцца ў геаграфіі, і пра бульбу. Паказальна, што пра візіт Пампеа ва Украіну Кеасаян не казаў увогуле, візіт у Беларусь абмяркоўваў каля дзвюх хвілін, а візіт у Казахстан, які быў пасля, — усяго крыху больш за хвіліну.