Нарвегія патроіла экспарт ласося ў Беларусь
Пасля расійскіх санкцыяў нарвежскія ласось і стронга ідуць у Беларусь і краіны Балтыі.
Пасля перапрацоўкі яны атрымліваюць новы мытны код, што дазваляе адпраўляць прадукцыю ў Расію, паведамляе interfax.by са спасылкай на нарвежскую газетуа Dagens Naeringsliv.
Так, у 36-ы тыдзень гэтага года (1-7 верасня) экспарт свежага ласося з Нарвегіі ў Беларусь падскочыў утрая.
Раней паведамлялася, што Нарвегія ў жніўні скараціла экспарт морапрадуктаў у Расію на 82% у параўнанні з тым жа месяцам 2013 года. Прычынай сталі ўведзеныя Расіяй абмежаванні на пастаўкі еўрапейскага харчавання. Пры гэтым агульныя пастаўкі нарвежскага ласося за мяжу павысіліся ў жніўні на 11% у аб'ёмным выяўленні.
Фота — mechtagurmana.ru
