Нідэрланды адмовіліся рассакрэціць дакументы па крушэнні Boeing

Міністр бяспекі і юстыцыі Нідэрландаў Ард ван дэр Стэр адмовіўся рассакрэціць дакументы пра катастрофу Boeing пад Данецкам. Як інфармуе РБК, да чыноўніка з такой просьбай звярнулася выданне RTL Nieuws, заявіўшы пра вялікае значэнне, якое авіякатастрофа мае для жыхароў краіны.

Міністр пагадзіўся з тым, што крушэнне лайнера аказала вялікі ўплыў на галандскае грамадства. Але, зазначыў ён, сакрэтнасць з'яўляецца больш важнай у гэтым пытанні. Нават павышаная цікавасць грамадзян не можа быць вырашальным аргументам у пытанні рассакрэчвання звестак, мяркуе чыноўнік.

У красавіку Нацыянальны каардынатар па барацьбе з тэрарызмам і бяспекі Нідэрландаў па запыце некалькіх СМІ раскрыў шэраг дакументаў, якія маюць дачыненне да катастрофы. Пры гэтым частка інфармацыі была зарэтушаванай. У выніку выданні запатрабавалі рассакрэціць некаторыя звесткі, каб аднавіць храналогію дзеянняў урада пасля катастрофы. Ван дэр Стэр лічыць, што публікацыя звестак можа паставіць пад пагрозу адносіны Амстэрдама з іншымі дзяржавамі, якія бяруць удзел у расследаванні.

Нагадаем, што публікацыю даклада па расследаванні авіякатастрофы пад Данецкам запланавалі на кастрычнік 2015 года.

Фота: ТАСС