Нясмешны 2020-ы: як беларусы жартавалі на 1 красавіка год таму

1 красавіка традыцыйна суправаджаецца зарадам гумару і аптымізму як афлайн, так і анлайн: прыколы, розыгрышы, фэйкавыя навіны. 2020 год ужо ў першыя месяцы сам па сабе стаў мемам — як правіла, з катэгорыі чорнага гумару. Пачалося ўсё з маштабных пажараў у Аўстраліі, а пасля "кітайскі" каранавірус пачаў станавіцца сусветным здабыткам.

Еўрарадыё вырашыла ўспомніць, як і з чаго беларусы жартавалі на 1 красавіка год таму.

Увесь хейт — Міністэрству аховы здароўя

Палітычны крызіс у Беларусі яшчэ не наступіў, таму ўвесь хейт жартаў дастаўся Мінздароўя. Праўдзівасць звестак іх статыстыкі па COVID-19 у Беларусі выклікае пытанні да гэтага часу, але тады чыноўнікі ад медыцыны толькі пачыналі выклікаць "іспанскі сорам" сваёй метадалогіяй падліку хворых. Якраз 31 сакавіка 2020-га яны выпусцілі статыстыку, у якой, здаецца, самі яе аўтары нічога не зразумелі.

І панеслася. 1 красавіка прайшло ў тэлеграм-каналах пад лозунгам "Затроль Мінздароўя".

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.