Палітзняволеную Зінаіду Міхнюк абвінавачваюць на падставе праслухоўвання
Палітзняволеную Зінаіду Міхнюк з Брэста абвінавачваюць на падставе матэрыялаў яе праслухоўвання (апаратуру ўсталявалі верагодна супрацоўнікі спецслужбы, якіх цікавіла яе прафсаюзная дзейнасць). 60-гадовая жанчына, прафсаюзная актывістка была затрымана на Дзень Волі і дагэтуль знаходзіцца за кратамі. Яна нібыта абразіла кіраўніка дзяржавы. Пра гэта стала вядома з ліста, атрыманага з брэсцкага СІЗА ад аднаго з вязняў. У ім паведамляецца, што камеры перапоўнены палітвязнямі.
Міхнюк — актывістка Незалежнага прафсаюзу работнікаў РЭП. У красавіку ўлады прызналі яго "экстрэмісцкім фармаваннем".
Беларускія праваабаронцы прызналі Зінаіду Міхнюк палітычнай зняволенай.
