Параненага сабаку з украінскага Купянска забраў да сябе італьянскі спявак
Сабаку ў Купянску знайшоў дэпутат Кіеўскай рады Алесь Малярэвіч / facebook.com
Сабака Джэк з украінскага горада Купянск пераехаў у Італію ў сям'ю музыкі Андрэа Бачэлі. Гісторыю сабакі з акупаванага і вызваленага горада распавёў дэпутат Кіеўскай рады Алесь Малярэвіч. Па яго словах, ён знайшоў Джэка "на другі дзень пасля вызвалення Купянска".
Сабака "ледзь не страціў слых з-за выбухаў, атрымаў невялікую аскепкавую рану на спіне, але захаваў дабрыню, любоў да людзей, моцны характар і веру ў лепшае".
Малярэвіч распавёў пра лёс Джэка амерыканскаму сябру, а той знайшоў яму новы дом. У Кіеве сабаку зрабілі аперацыю — выдалілі аскепкі. А затым яго перавезлі ў Італію.
