Парашэнка на стадыёне “Алімпійскім”: Я прыйшоў — яго няма (відэа)
Дзеючы прэзідэнт Пётр Парашэнка прыехаў на кіеўскі стадыён “Алімпійскі” і праводзіць сустрэчу ў выбаршчыкамі. Як паведамляе Громадське, 14 красавіка ён запрашаў на дэбаты свайго канкурэнта на прэзідэнцкіх выбарах Уладзіміра Зяленскага, але той не прыняў запрашэнне.
Для Зяленскага падрыхтавалі трыбуну для выступу, але яна пустая. Парашэнка распавядае пра сваё бачанне інтэграцыі Украіны ў ЕС, пра арганізацыю празрыстых прэзідэнцкіх выбараў.
Раней менавіта Зяленскі выступіў з ініцыятывай правесці дэбаты менавіта на стадыёне замест тэледэбатаў, якія прапісаныя ў выбарчым заканадаўстве Украіны.
