Пашынян абвясціў у Арменіі выхадны яшчэ да абрання прэм'ерам

Лідар руху пратэсту Нікол Пашынян ўсё-ткі стаў прэм'ер-міністрам Арменіі — з другой спробы і пасля шматтысячных мітынгаў, якія ахапілі ўсю краіну.

Парламент Арменіі абраў прэм'ер-міністрам Нікола Пашыняна — пасля працяглых шматтысячных пратэстных выступленняў, забастовак і акцый непадпарадкавання, якія ахапілі асноўныя гарады Арменіі.

У другім туры выбараў за Нікола Пашыняна прагаласавалі і дэпутаты ад (ужо былой) кіроўнай Рэспубліканскай партыі Арменіі, якая выступіла перад пачаткам галасавання з крытыкай.

"За" прагаласавалі 59 дэпутатаў, "Супраць" — 42. Для абрання былі неабходныя 53 галасы. Пасля галасавання Пашынян падзякаваў ўсем палітычным сілам і скончыў выступ, сказаўшы: "Служу Рэспубліцы Арменія, служу народу".

 На вуліцах Ерэвана — захапленне і весялосць. Гучыць музыка, якую заглушаюць аўтамабільныя сігналы. Людзі танцуюць і махаюць сцягамі.

Напярэдадні рэвалюцыйны лідар і адзіны кандыдат у прэм'еры Нікол Пашынян абвясціў дзень галасавання непрацоўным. Раніцай 8 траўня перад пачаткам пасяджэння ля парламента сабраўся натоўп, але мітынг быў, хутчэй, падобны на святочнае мерапрыемства, а не на палітычны сход.

"Людзі па закліку Нікол Пашынян апрануліся ў белыя майкі і кепкі, у руках яны трымаюць шары і плакаты з партрэтам Пашыняна".

За дзень да галасавання ў Ерэван прыляцеў заснавальнік і вакаліст амерыканскага гурта System of a Down Серж Танкян, які і раней выказваў падтрымку апазыцыі. Танкян выступіў на мітынгу так: "Мой горны свабодны народ цудоўнай Арменіі, я рады, што мы змаглі мірным шляхам памяняць нашу радзіму. І ўвесь свет бярэ з нас прыклад — усмешкай, песняй, радасцю. Мы шмат пакутавалі ад генацыдаў, войнаў, землятрусаў. Любоў — гэта тая сіла, пры дапамозе якой мы змаглі перамагчы. Любоўю вы змаглі перамагчы свае страхі".

Між тым, яшчэ тыдзень таму поспех пратэстуючых быў пад пытаннем. Першы тур выбараў прайшоў 1 траўня. За кандыдата, якога падтрымлівалі актывісты "аксамітнай рэвалюцыі", прагаласавалі тры з чатырох прадстаўленых у парламенце палітычных сілаў. Але іх галасоў было недастаткова, і парламенцкая большасць праваліла абранне Пашыняна.

У адказ удзельнікі руху паралізавалі дарожнае рух: былі перакрытыя міждзяржаўныя дарогі, перастаў працаваць аэрапорт, многія турысты былі вымушаныя ісці туды пешшу.

 2 траўня Рэспубліканская партыя Арменіі заявіла, што гатовая падтрымаць кандыдатуру кіраўніка пратэстаў Пашыняна — дзеля стабільнасці ў краіне.

Віцэ-спікер парламента, прэс-сакратар кіроўнай Рэспубліканскай партыі Арменіі Эдуард Шармазанаў напярэдадні заявіў:

"Мы, Рэспубліканская партыя, застаёмся пры сваім меркаванні адносна кандыдата ў прэм'ер-міністры Арменіі. Але мы будзем спрыяць абранню Пашыняна. У Арменіі заўтра будзе прэм'ер-міністр – ва ўсякім разе, РПА са свайго боку забяспечыць гэта. Ад РПА будзе дададзеная дастатковая колькасць галасоў, каб кандыдат ад народа Пашынян стаў прэм'ер-міністрам Арменіі".

Дэталі сваёй праграмы Пашынян пакуль не раскрывае, але ўжо неаднаразова аб'яўляў, што ў выпадку яго абрання ва ўрадзе не будзе алігархаў, і ён не дапусціць манаполій на якія-небудзь віды бізнесу. Ён абяцаў таксама не ўчыняць расправы над былымі ўладамі, але караць усіх, хто парушыць закон.

 Новы кабінет міністраў, са слоў Пашыняна, будзе ўяўляць сабой ўрад нацыянальнай згоды. І, магчыма, у яго увойдуць і прадстаўнікі Рэспубліканскай партыі Арменіі.

А кіруючая партыя ўжо абвясціла, што пасля выбараў прэм'ер-міністра гатовая стаць апазіцыяй. Зрэшты, іншага варыянту ў яе ўжо няма.

Дыяна Петрыяшвілі, "Рускамоўная медыясетка" па матэрыялах JAMnews, "Каўказскага вузла" і "Новай газеты"​.