Пазбавілі ліцэнзій яшчэ чатырох адвакатаў — Мінюст
"Зачыстка" ў Беларусі не спыняцца / Ілюстрацыйнае фота з архіва Еўрарадыё
У Беларусі пазбавілі ліцэнзій яшчэ чатырох адвакатаў, паведамляе Мінюст. Такое рашэнне прыняла "кваліфікацыйная камісія па пытаннях адвакацкай дзейнасці". У спісе Аляксандр Уласевіч і Святлана Якушава з Віцебскай абласной калегіі адвакатаў, а таксама Юрый Козікаў і Арцём Сям'янаў, якіх раней выключылі з Мінскай абласной калегіі адвакатаў. Афіцыйна заяўляецца пра "здзяйсненне імі правін, не сумяшчальных са званнем адваката".
Вядома, што двое са згаданых адвакатаў — Козікаў і Сям'янаў — абаранялі беларускіх палітвязняў: першы — Максіма Знака і Яўгена Юшкевіча, другі — Валянціна Стэфановіча, Ігара Лосіка, Паўла Белавуса, Таццяну Кузіну.
У Беларусі адбываецца "зачыстка" адвакацкай супольнасці. Адвакатаў перыядычна пазбаўляюць ліцэнзій. Сярод іх шмат тых, хто быў абаронцамі палітвязняў.
