Першы выпадак воспы малпаў зафіксавалі ва Украіне

Першы выпадак воспы малпаў зафіксавалі ва Украіне

Ва Украіне 15 верасня ўпершыню лабараторна пацвердзілі заражэнне чалавека воспай малпаў, перадае hromadske.ua.

Цяпер пацыента шпіталізавалі для стацыянарнага лячэння. Паведамляецца, што хвароба ў яго працякае лёгка. Дыягнаставаць захворванне ўдалося дзякуючы ПЦР-абследаванню.

Пацыент распавёў, што не кантактаваў з людзьмі, хворымі на воспуай малпаў, і не выязджаў за мяжу. Па версіі медыкаў, ён заразіўся ў адным з буйных гарадоў краіны.

Сярод сімптомаў ў яго назіраецца павышаная тэмпература, сып на целе.

Мінздароўя Украіны не ўдакладняе, у якой вобласці выявілі першы выпадак заражэння воспай малпаў, каб захаваць камфорт пацыента.

Нагадаем, раней СААЗ абвясціла ўспышкі малпавай воспы ў шэрагу краін надзвычайнай сітуацыяй у галіне аховы здароўя, якая мае міжнароднае значэнне.

Як паведамляла Еўрарадыё, раней выпадкі заражэння людзей воспай малпаў былі выяўленыя ў іншых нашых суседзяў — у Польшчы і Літве.

Воспа малпаў — гэта рэдкая вірусная інфекцыя, якая можа перадавацца ад чалавека да чалавека. 

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.

Апошнія навіны

Галоўнае

Выбар рэдакцыі