Прызначаная дата суда над філосафам Уладзімірам Мацкевічам
Суд над філосафам і метадолагам Уладзімірам Мацкевічам пачнецца 9 чэрвеня, паведамляюць яго паплечнікі. Справу будзе разглядаць Мінскі абласны суд.
Мацкевічу выставілі абвінавачанні па трох артыкулах Крымінальнага кодэкса:
342 (Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх);
361-1 (Стварэнне і кіраўніцтва экстрэмісцкім фарміраваннем). Такой арганізацыяй называюць платформу народных прадстаўнікоў "Сход";
368 (Абраза на адрас кіраўніка дзяржавы).
Філосафа арыштавалі 4 жніўня 2021 года. У СІЗА ён знаходзіцца ўжо 10 месяцаў.
Дарэчы, 7 чэрвеня пачнецца суд над сацыёялагам Таццянай Вадалажскай — паплечніцай Мацкевіча. Яе затрымалі разам з Мацкевічам, але потым на 10 дзён выпусцілі на волю, пасля чаго зноў пасадзілі за краты.
