Арбеніна: "Мне вельмі прыемна, што на маёй радзіме магчымы Рок-н-рол"
На "Рок за баброў" выступіў нават гурт з "чорнага спіса". Глядзіце фотарэпартаж ад Еўрарадыё.
Надвор'е ў другі дзень лета падвяло. Людзей на Баравой сабралася мала. Увесь дзень з перапынкамі ліў дождж, а часам нават залева з моцным ветрам. Толькі бліжэй да вечара з’явілася сонца. На хэдлайнераў народ падцягнуўся, аднак гэта непараўнальна з той колькасцю людзей, што была ў мінулыя гады. Але тыя, хто не спужаўся холаду, не пашкадавалі, а было вельмі халодна, каля 10 градусаў!
А пакуль глядзім фоткі, слухаем песню "Морячок" гурта "Начныя снайперы" — жывы гук ад Еўрарадыё:
У бліжэйшых крамах і запраўках забаранілі прадаваць алкаголь.
Каўчсёрфер — прыехаў на фэст з Венесуэлы.
А гэта называецца намётавае мястэчка!
Паколькі надвор'е падвяло, народ саграваўся актыўнымі гульнямі.
На фэсце выступілі беларускія гурты "Yellow Brick Road", "Prosspekt", "Тok Rukoo", "Open Space", "Tesaurus", "SUN ROAD-21", "Naka", "У нескладовае", "Лермонт"
Гурт "Naka", які фігураваў у беларускіх "чорных спісах" забароненых гуртоў.
Лідар гурта — Наста Шпакоўская
Гурт "У нескладовае"
Некаторыя нават не дайшлі да сцэны. Кажуць, што за распіццё назбіралі не адзін аўтобус.
Гурт "Горад 312"
Дыяна Арбеніна. Прызналася, што ў Беларусі ёй добра спіцца, у добрым сэнсе гэтага слова :)
Бліжэй да вечара на заходзе з'явілася сонца і скончыўся дождж.
Пачалі падцягвацца людзі
Дыяна Арбеніна — "Начныя снайперы"
Дыяна адразу паскардзілася, што паміж сцэнай і людзьмі вялікая адлегласць. "Але я буду з гэтым неяк спраўляцца", - сказала яна і доўга чакаць не стала.
Хэдлайнераў сагравалі вось такім чынам.
