Пракуратура ніяк не можа знайсці, хто напаў на Уладзіміра Някляева
Праверку па факце збіцця кандыдата ў прэзідэнты пракуратура Мінску падоўжыла да 4 ліпеня 2011 года.
Пра гэта сайту "Беларускі партызан" паведаміў сам палітык. Па яго словах, яму прыйшло адпаведнае паведамленне за подпісам пракурора М.Ермакова.
Някляеў мяркуе, што ўлады шукаюць крайняга. На яго думку, ідуць разборкі таго, што адбылося на Плошчы. Улада дапусціла памылку, лічыць Някляеў, і гэтая памылка пачалася на вуліцы Калектарнай, калі адбыўся напад на штаб палітыка. Цяпер, нібыта, паміж міліцыяй і КДБ ідуць пошукі крайняга.
