СК: Вандаламі, якія ўчынілі пагром на стадыёне ў Баранавічах, аказаліся падлеткі

Як паведамляе СК, міліцыянеры высветлілі, што да гэтага злачынства маюць дачыненне трое падлеткаў ва ўзросце 13-14 гадоў. Яны патрапілі на тэрыторыю стадыёна і вырашылі пакатацца на пагрузчыку, які там знаходзіўся. Аднак, не маючы досведу кіравання, пашкодзілі маёмасць будаўнічых арганізацый. Той жа пагрузчык быў перакулены на бок.

Згаданых падлеткаў затрымлівалі за спаленыя ў той жа вечар ў Вечным агні рытуальныя вянкі. У міліцыянераў узнікла падазрэнне, што менавіта яны наведаліся і на стадыён. Цяпер СК гэта пацвердзіў. З хлопцамі праводзяцца следчыя дзеянні. Крымінальную справу распачалі па артыкуле "угон транспартнага сродку". Па здарэнні каля Вечнага агня крымінальную справу раней распачалі па артыкуле "Хуліганства".