Следчыя органы Расіі прынялі да вытворчасці матэрыялы на Баўмгертнера
Матэрыялы на гендырэктара расійскай кампаніі "Уралкалій" Уладзіслава Баўмгертнера паступілі з Беларусі.
Пра гэта гаворыцца ў паведамленні, распаўсюджаным Генпракуратурай Расіі, перадае БЕЛТА.
Як раней паведамляла Еўрарадыё, беларускія следчыя органы адправілі 19 тамоў матэрыялаў па справе "Уралкалія".
У Генпракуратуры Расіі кажуць, што матэрыялы былі неадкладна перададзеныя ў Следчы камітэт для разгляду і прыняцця па іх працэсуальнага рашэння ў адпаведнасці з расійскім крымінальна-працэсуальным заканадаўствам.
Фота — ria.ru
