Суд “Логвінаў супраць Мінінфармацыі” адбудзецца 18 лістапада

Пачатак паседжання ў Вышэйшым гаспадарчым судзе Мінска а 12-й гадзіне. Яно мае быць адкрытым, паведаміў Еўрарадыё арт-дырэктар выдавецтва Павел Касцюкевіч.

Адносіны паміж выдаўцом Ігарам Логвінавым і Міністэрствам інфармацыі сапсаваліся ў канцы верасня, калі Логвінава пазбавілі ліцэнзіі на выдавецкую дзейнасць. У паведамленні, падпісаным намесніцай міністра Ліліяй Ананіч, паведамлялася, што ліцэнзія адкліканая за парушэнні, звязаныя з выхадам альбома “Прэс-фота Беларусі 2011”. У красавіку суд Ашмянскага раёна прызнаў выданне экстрэмісцкім.

Выдавец з пазіцыяй Мінінфармацыі не згодны. Ігар Логвінаў указвае на парушэнні, дапушчаныя чыноўнікамі, а таксама на абсурднасць абвінавачванняў.

Мінінфарм растлумачыла, чаму пазбавіла Логвінава ліцэнзіі без папярэджання

14 украінскіх пісьменнікаў заступіліся за выдаўца Логвінава (адкрыты ліст)

Фота — change.org