Сувязь 4G з'явіцца ў мінскім метро ў красавіку 2019 года
Сувязь 4G з'явіцца ў мінскім метро ў красавіку 2019 года. Сетку створаць да пачатку ў беларускай сталіцы II Еўрагульняў. Пра гэта ў інтэрв'ю БЕЛТА паведаміў гендырэктар beCloud Алег Сядзельнік. Ён нагадаў, што такую задачу паставіў урад.
"Усе аператары, якія хочуць прадастаўляць кліентам сувязь чацвёртага пакалення, будуць працаваць у роўных умовах", — заявіў Сядзельнік.
II Еўрапейскія гульні пройдуць у Беларусі ў чэрвені 2019 года. Да іх пачатку абяцаюць забяспечыць якаснай сувяззю 4G усе аб'екты, задзейнічаныя пры правядзенні спаборніцтваў.
