Трансфер Андрэя Стася ў ЦСКА — рэкордны ў гісторыі беларускага хакея
Пра гэта заявіў генеральны менеджар мінскага "Дынама" Уладзімір Беражкоў.
"Па суме кампенсацыі гэта рэкордны ў гісторыі беларускага хакея трансфер", — цытуе словы Беражкова "Прессбол". Сума, аднак, не называецца.
Нагадаем, нападаючаму мінскага "Дынама" і нацыянальнай зборнай Беларусі Андрэю Стасю 25 гадоў. На працягу апошніх шасці сезонаў ён выступаў за "Дынама". У 274 матчах у Кантынентальнай хакейнай лізе закінуў 32 шайбы і зрабіў 49 галявых перадачаў. Цяпер хакеіст будзе выступаць за маскоўскі клуб.
Фота — hcdinamo.by
