У Акадэміі навук створаць цэнтр па паліталогіі
Акадэмія навук / БЕЛТА
На базе Нацыянальнай акадэміі навук створаць цэнтр па паліталогіі. Адпаведнае рашэнне было прынятае на нарадзе ў прэзідыуме НАН, перадае БЕЛТА.
Паведамляецца, што ў нарадзе ўдзельнічалі палітолагі, сацыёлагі, прадстаўнікі вядучых навукова-даследчых і вышэйшых навучальных устаноў: Інстытута сацыялогіі НАН, Акадэміі кіравання пры прэзідэнце Беларусі, Акадэміі нацыянальнай бяспекі, Беларускага інстытута стратэгічных даследаванняў, БДУ, БДЭУ, Гродзенскага дзяржаўнага ўніверсітэта імя Янкі Купалы, БДУКМ, а таксама СМІ.
Як заяўляе БЕЛТА, "галоўнай мэтай новага цэнтра стане палітычнае суправаджэнне дзяржаўнага курсу краіны". Іншымі словамі, цэнтр будзе займацца прапагандай і працаваць выключна на патрэбы цяперашняга палітычнага рэжыму.
