У Беларусі забаранілі прадаваць дзіцячую вопратку вядомых брэндаў

Дзяржстандарт забараніў прадаваць у Беларусі некаторыя віды дзіцячага адзення і абутку вядомых замежных брэндаў — United colors of Benetton, Mango, Chicco. У ведамства ўзніклі прэтэнзіі да якасці тавараў.

Загадана прыбраць з паліц крам уцепленыя дзіцячыя курткі маркі United colors of Benetton: яны не адпавядаюць тэхрэгламенту Мытнага саюза па гіграскапічнасці. Гэты паказчык для падшэўкі швейных вырабаў трэцяга пласта для дзяцей ясельнай групы павінен складаць не менш за 6%. А праверка паказала толькі 0,1%.

Дзіцячы камбінезон брэнда Chicco трапіў пад забарону з той жа прычыны.

Дзіцячыя красоўкі маркі Chicco трапілі ў "чорны спіс" праз тое, што ў іх цалкам сінтэтычная падшэўкі.

Таксама Дзяржстандарт забараніў прадаваць сукенку для дзяўчынак-школьніц і штаны для дзяцей школьнага ўзросту маркі Mango kids. У іх спецыялісты выявілі недастатковую паветрапранікальнасць — менш за 1 дм3/м2с пры норме не менш за 100 дм3/м2с.