У Брэсце з'явіўся мурал з вялізнай птушкай
У Брэсце на набярэжнай Францішка Скарыны на шматпавярховіку з'явіўся мурал з вялізнай птушкай. Грамадская арганізацыя "Ахова птушак Бацькаўшчыны" працягвае ўпрыгожваць беларускія гарады птушынымі мураламі, а дапамагае ёй мастак Алесь Kontra. На гэты раз быў намаляваны сокал-пустальга.
Ініцыятары хочуць з дапамогай мурала звярнуць увагу на праблемы гарадскіх пустэльг — вясной у Брэсце сакаляняты, яшчэ не ўмеючы лётаць, апынаюцца на зямлі. І ім патрэбна дапамога людзей.
Раней птушыныя муралы з'явіліся на фасадах дамоў у Мінску, Валожыне, Гомелі, Клічаве, Маларыце і Івянцы.
