У Буркіна-Фасо другі раз за год звергнуты прэзідэнт
Поль-Анры Сандаога Даміба
У Буркіна-Фасо другі раз за год звергнуты прэзідэнт. Пра гэта паведамляе Associated Press.
Вайскоўцы адхілілі Поля-Анры Сандааго Дамібу ад улады. Ён быў сярод тых, хто разам з вайскоўцамі ў студзені зрынуў папярэдняга лідэра краіны Рош Кабарэ.
У заяве, зачытанай прадстаўніком хунты, гаворыцца, што новым ваенным лідэрам Буркіна-Фасо стаў 34-гадовы капітан Ібрагім Траарэ.
Даміба і яго саюзнікі зрынулі дэмакратычна абранага прэзідэнта, прыйшоўшы да ўлады з абяцаннямі зрабіць краіну больш бяспечнай. Аднак гвалт не спыняўся, а расчараванне ў яго кіраўніцтве расло ў апошнія месяцы.
