У Домрачавай бронза ў масс-старце
На этапе Кубка свету па біятлоне ў Оберхофе беларуска заваявала тры медалі запар.
Дар’я Домрачава была лідарам гонкі з массавым стартам на першай палове дыстанцыі, але пасля промаху на трэцім агнявым рубяжы перавага была страчаная. Чацвёрты рубеж таксама скончыўся дадатковым штрафным колам і Дар’і давялося даставаць суперніц, каб трапіць у прызёры. Дарэчы, яна прайграла срэбранай прызёрцы Сюневе Сёлемдаль з Нарвегіі ўсяго 0,3 секунды.
“Золата” ў гэтай гонцы дасталася нарвежцы Торы Бергер.
Нагадаем, што Дар’я Домрачава на этапе ў Оберхофе выйграла спрынт і гонку пераследу.
