У Дзяржынску зноў ператрусы і затрыманні
Міліцыя палюе на іншадумцаў / Ілюстрацыйнае фота sb.by
У Дзяржынску зноў ператрусы і затрыманні. Праваабаронцам стала вядома, што сілавікі раніцай у аўторак працягнулі "зачыстку" гэтага горада. Падрабязнасці высвятляюцца.
Ператрусы ў Дзяржынску за апошнія месяцы адбываюцца рэгулярна. У канцы лютага сілавікі іх праводзілі пасля дыверсіі на аэрадроме ў Мачулішчах. Чарговая хваля пачалася ў першыя дні красавіка. Перад гэтым, 31 сакавіка, уздоўж дарогі каля горада былі вывешаны сцяжкі Беларусі і Украіны, а пры спробе іх зняць сілавікі нібыта знайшлі "выбуховую прыладу", а насамрэч яе муляж. Па звестках праваабаронцаў, за тры дні ў Дзяржынскім раёне затрымлівалі каля 45 чалавек.
