У Францыі знайшлі эскіз з выявай аголенай “Моны Лізы” (фота)

У Францыі знайшлі эскіз з выявай аголенай “Моны Лізы” (“Джаконды”). Эксперты мяркуюць, што ён з’явіўся яшчэ да таго, як была напісаная знакамітая карціна Леанарда да Вінчы. Малюнак знайшлі ў музеі Кондэ. Ён выкананы вуглём. Толькі нядаўна эксперты заявілі, што аўтарам партрэту жанчыны мог быць сам да Вінчы. Абодва партрэты аднолькавага памеру, а рукі і целы практычна ідэнтычныя, піша газета The Telegraph.