У Мінску адкрылася флагманская крама брэнда Xiaomi
Адкрыццё крамы
29 кастрычніка афіцыйна адкрылася флагманская крама па продажы тэхнікі Xiaomi сеткі MI.BY. Яна размешчаная ў ГЦ “Galleria Minsk”. Зараз усе навінкі вядомага кітайскага брэнда ў Беларусі будуць з'яўляцца менавіта тут. Крама стане першай у рознічнай сетцы MI.BY.
"Цяпер на беларускім рынку ёсць некалькі рэсэлераў тэхнікі Xiaomi, аднак патэнцыял лакальнага рынку яшчэ вельмі вялікі. — кажа дырэктар кампаніі-прадстаўніцы Xiaomi ў Беларусі ТАА "Мі Бай" Андрэй Няжурын. — Асартымент уключае ў сябе, як смартфоны, тэлевізары і аксесуары, так і тэхніку для разумнага дома".
На адкрыцці флагманскай крамы кожны жадаючы мог прайсці тэст-драйв электрасамаката, электраровараў або гіраскутара. У віктарынах наведвальнікі гандлёвага цэнтра выйгралі мноства прызоў: ад паўэр банка і партатыўнай акустыкі да ачкоў віртуальнай рэальнасці і мабільнага тэлефона Xiaomi Mi5. Галоўны прыз — электрасамокат.
У планах "Мі Бай" развіваць сетку па ўсёй Беларусі. Ужо 5 лістапада крама адкрыецца і ў Гомелі ў ГЦ "Мандарын Плаза". Да канца 2018 года па ўсёй краіне кампанія разлічвае адкрыць каля 15 рознічных кропак.
