У Мінску прайшла трэніроўка паветранага парада (фота)

29 чэрвеня ў Мінску прайшла трэніроўка паветранага парада. Ён адбудзецца 3 ліпеня з нагоды Дня незалежнасці Рэспублікі Беларусь. Фотарэпартаж апублікавала інфармацыйнае агенцтва БЕЛТА.

Як інфармавала Еўрарадыё, увечары 28 чэрвеня ў сталіцы прайшла генеральная рэпетыцыя параду, у якой удзельнічала механізаваная калона вайсковай тэхнікі. Пакуль яна рухалася да стэлы “Мінск — горад-герой”, у горадзе ўтварыліся вялізныя заторы з аўтамабіляў і грамадскага транспарту.