У Мінску шукаюць "літаратурнага негра" за $250 у месяц

На адным з беларускіх сайтаў па пошуку працы размешчаная незвычайная вакансія — "крэатыўны асістэнт пісьменніка". Абавязкі "літаратурнага негра" вельмі аб'ёмныя:

— праца з матэрыяламі, неабходнымі для напісання літаратурных твораў;
— падбор тэматычнай інфармацыі;
— распрацоўка сюжэтаў літаратурных твораў;
— вывучэнне кніг сучасных аўтараў і правядзенне іх аналізу;
— праца з архівамі.

Працы шмат, а плаціць абяцаюць не тое, каб вельмі многа — $250 у месяц.

"Літаратурнага негра" шукае агенцтва "Брэнддзёні", якое спецыялізуецца на інфармацыйнай дапамозе творчым людзям. Каму з пісьменнікаў спатрэбіўся "крэатыўны асістэнт" — не паведамляецца.