У Мінску затрымалі пяць прадаўцоў спайсаў
Пяць маладых людзей, якіх падазраюць у рэалізацыі псіхатропных курыльных сумесяў, затрымалі 19 жніўня ў сталічным мікрараёне Захад.
Як паведамляе БелаПАН, затрыманні супрацоўнікі па наркакантролі і байцы спецпадраздзялення МУС "Алмаз" праводзілі ў дзвюх кватэрах. Адна з іх размяшчаецца на вуліцы Цімашэнкі, другая — на вуліцы Якубоўскага.
Па словах міліцыянтаў, за некалькі гадін, пакуль яны працавалі з прадаўцамі, у кватэры па спайс прыйшлі каля пятнаццаці чалавек. Усе яны былі дастаткова маладыя людзі, у тым ліку студэнты ВНУ.
На затрыманых пачалі крымінальныя справы, яны змешчаныя ў ізалятар часовага ўтрымання.
Фота — habinfo.ru
