У Мінску затрымалі ўдзельнікаў апазіцыйнай акцыі і журналістаў
Карэспандэнты асвятлялі акцыю ў гонар гадавіны абвяшчэння Дэкларацыі аб суверэнітэце Беларусі 27 ліпеня 1990 года.
Цяпер яны знаходзяцца ў Партызанскім РУУС. Гэта фотакарэспандэнт газеты “Наша ніва” Сяргей Гудзілін, карэспандэнт БелаПАН Захар Шчарбакоў, відэааператар БелаПАН Андрэй Корсак, а таксама актывісты моладзевай арганізацыі “Альтэрнатыва” (зарэгістравана ў Латвіі) Алег Корбан, Дзмітрый Сільчанка, Алег Кероль і Вольга Бурневіч.
Як паспела паведаміць БелаПАН па тэлефоне Вольга Бурневіч, у прызначаны час, каля 16.45, сябры “Альтэрнатывы” сабраліся каля ўнівермага “Беларусь»” і разгарнулі тры бел-чырвона-белыя сцягі.
Праз дзве хвіліны ўсе яны, а таксама журналісты былі затрыманыя міліцыяй.
Тэлефоны затрыманых адключаныя. У Партызанскім РУУС адмовіліся каментаваць сітуацыю.
