У некалькіх раёнах Мінска з-за непагадзі сапсаваліся святлафоры
Мінскія святлафоры выйшлі з ладу ў сувязі з выпадзеннем мокрага снегу і высокай вільготнасцю. Пра гэта агенцтву БЕЛТА паведаміў начальнік аддзела па агітацыі і прапагандзе УДАІ ГУУС Мінгарвыканкама Сяргей Заранік.
ДАІ паведамляе, што непаладкі са святлафорамі зафіксаваныя ў некалькіх раёнах сталіцы. На месцы выязджаюць тэхнічныя групы, нармалізацыяй дарожнага руху займаюцца рэгуліроўшчыкі, удакладніў Заранік.
