У ноч на сераду па паўднёвым усходзе Беларусі прагназуюць замаразкі
Замаразкі, ілюстрацыйнае фота / pixabay.com
У сераду, 15 траўня, у Беларусі чакаецца пераменная воблачнасць, паведамляе Белгідрамет.
Будзе пераважна без ападкаў. Вецер уначы прагназуюць няўстойлівы слабы, удзень — паўднёва-ўсходні, паўднёвы ад слабога да ўмеранага.
Тэрмометры ўначы пакажуць 1-7 вышэй за нуль, месцамі будзе 8-10 цяпла. Па паўднёва-ўсходніх раёнах месцамі чакаюцца замаразкі ад 0 да -2. Удзень паветра прагрэецца да +14...+20.
