У Расіі адбыўся выбух на буйным заводзе па вытворчасці выбухоўкі. Ёсць ахвяры

У горадзе Дзяржынску Ніжагародскай вобласці Расіі адбыўся выбух на заводзе па вытворчасці выбухоўкі. 

Выбух здарыўся ў цэху па вытворчасці аманалу. Пасля гэтага пачаўся пажар на плошчы каля сотні квадратных метраў, піша "Новая газета".

Паводле неафіцыйных звестак, тры чалавекі загінулі, яшчэ трое пацярпелі. 

Завод імя Свярдлова — адзін з самых буйных у Расіі вытворцаў боепрыпасаў, дэтанатараў і перадатачных зарадаў для горнаруднай прамысловасці.