У Зэльвенскім раёне шукалі аўтамат
Міліцыя не выключала, што дзесьці можа быць схаваны і аўтамат /t.me/Neman102/
У Зэльвенскім раёне шукалі аўтамат. Пошукі пачаліся пасля таго, як 4 красавіка ў адной з гаспадарчых пабудоў знайшлі магазін з патронамі. Як мяркуецца, да АК-47.
"Улічваючы цяперашнюю кан'юнктуру, адпрацоўваліся і правяраліся розныя версіі адносна выяўлення патронаў", — піша прэс-служба міліцыі Гродзенскай вобласці. Відаць, не выключалі, што патроны схавалі "партызаны" ці "тэрарысты".
Праверка ж паказала, што магазін з патронамі мог схаваць мужчына, які памёр некалькі гадоў таму. Нядаўна яго дом і гаспадарчую пабудову сваякі прадалі. Новы гаспадар і натрапіў на патроны ды паведаміў у міліцыю. Аўтамат не знайшлі.
Міліцыя супакойвае, што "ніякай небяспекі для мясцовых жыхароў няма".
