У ЗША палітык, які змагаўся за традыцыйныя каштоўнасці, выявіўся геем

У ЗША кангрэсмэна-рэспубліканца, які быў вядомы сваёй барацьбой за традыцыйныя каштоўнасці, злавілі на аднаполым сэксе. Пасля гэтага Уэс Гудман вымушаны быў пайсці ў адстаўку, паведамляюць замежныя СМІ.

33-гадовы дэпутат выступаў як праціўнік ЛГБТ-супольнасці і змагаўся супраць легалізацыі аднаполых шлюбаў. У сацыяльных сетках ён часта выкладваў сумесныя фота з жонкай Бетані.

Пры гэтым нядаўна выкрылася, што Гудман цягам многіх год вёў інтымнае ліставанне з мужчынамі, робячы непрыстойныя намёкі. СМІ даведаліся, што ў 2015 годзе ён спрабаваў разбэсціць падлетка.

У красавіку амерыканскі кангрэсмен і адкрыты гей Браян Сімс скардзіўся на абразлівыя каментары да сваіх запісаў у сацыяльных сетках.