Валерый Цапкала: я проста вельмі прашу расійскае кіраўніцтва — не дапамагайце

Учора стала вядома, што Валеры Цапкала, які вылучаўся на прэзідэнцкія выбары, з'ехаў з Беларусі разам з дзецьмі. Яны выехалі ў Расію. Вераніка Цапкала засталася ў Беларусі і працягне дзейнасць у штабе.

"Я ўпэўнены, што расійскае кіраўніцтва лічыць, што яно аказвае дапамогу простым людзям, калі дае дапамогу ўраду. Не, не простым людзям, а на ўтрыманне вось гэтага вялізнага апарату, усе грошы туды сыходзяць", — дзеліцца меркаваннямі палітык у эфіры расійскага тэлеканала.

Акрамя Расіі плануецца прасіць і Міжнародны валютны фонд не выдзяляць крэдыты: "Міжнародны валютны фонд ідзе прама ў казну. А з гэтай казны ідзе прама на войска, ідзе прама на ўнутраныя войскі. Не трэба, навошта? Хай, так бы мовіць, будуць яны аптымізаваныя, хай яны будуць нармальнымі, прапарцыйнымі насельніцтву нашай краіны ", — растлумачыў сваю пазіцыю палітык Валерый Цапкала.

Пасля таго, як ЦВК не зарэгістраваў Цапкала кандыдатам у прэзідэнты, ён і яго жонка ўвайшлі ў аб'яднаны штаб Святланы Ціханоўскай. Раней сваіх дзяцей за межы Беларусі вывезла кандыдат у прэзідэнты Святлана Ціханоўская. Яна паведаміла, што яе дзеці знаходзяцца ў адной з краін Еўрасаюза.