Велізарны агрэст, адзенне з крапівы, адмова ад пластыку: толькі добрыя навіны

Запісацца на палёт у космас або выратаваць уласную планету, цалкам адмовіўшыся ад пластыку? 

Замовіць шорты з крапівы, футболку з ананасаў або пафарбавацца "як у мультфільме "101 далмацінец"? 

Калі не ведаеце, чым разнастаіць сваё жыццё, чытайце агляд самых добрых, смешных, а часам абсурдных навін на Еўрарадыё.

Адзенне з крапівы і ананасаў

Марка Pangaia выпусціла калекцыю адзення з крапівы, водарасцяў і бананавых лістоў. У тканінах таксама выкарыстаныя ананасавыя валокны, бамбук і эўкаліпт. Новыя матэрыялы могуць стаць альтэрнатывай бавоўне.

З новых матэрыялаў пашылі худзі, футболкі, спартыўныя штаны і шорты. Калекцыю з раслінных тканін ужо можна знайсці на сайце Pangaia.

Калі вельмі захацець, можна ў космас паляцець

Virgin Galactic прапануе забраніраваць месцы на новыя турыстычныя палёты ў космас. Стартавая цана — 450 тысяч долараў.

Месцы ўжо забраніравалі 600 чалавек.

Дарэчы, кампанія стала першай, якая атрымала ліцэнзію на камерцыйныя касмічныя рэйсы.

Напалову бландзінка, напалову брунетка

Афарбоўванне валасоў ліхадзейкі Круэлы дэ Віль з папулярнага мультфільма "101 далмацінец" стала новым модным трэндам у Брытаніі. 

Найбольш папулярным варыянтам прычоскі з'яўляецца пакрыццё адной паловы галавы чорнай фарбай, а другой — белай.

Агрэст памерам з персік

85-гадовы Браян Нэліст з ёркшырскай вёскі Эгтан-Брыдж перамог на штогадовым фестывалі агрэсту.

Мужчына выгадаваў ягаду памерам з персік, вага якой склала 47,5 грама.

Праўда, сусветны рэкорд, які быў пастаўлены ў пазамінулым годзе, застаўся непахісным. Тады ў жыхара Ёркшыра атрымалася перамагчы на фестывалі з ягадай масай 64,5 грама.

Еўропа развіталася з пластыкавым посудам

У краінах Еўрасаюза канчаткова развіталіся з пластыкавым посудам. Адпаведны закон набыў моц яшчэ 3 ліпеня. Ён таксама забараняе вытворчасць і продаж ватных палачак, трубачак для кактэйляў, палачак для паветраных шароў, оксаракладаных харчовых кантэйнераў і пенапалістырольных кубачкаў.