Выжыць і перамагчы: як музыка дапамагае супрацьстаяць рэжыму
Эдуард Юдовін і Алесь Дзянісаў / Еўрарадыё
Беларуская культура працягвае жыць насуперак рэпрэсіям і выцісканню з краіны. Канцэрты, выставы, тэатральныя пастаноўкі, новыя кнігі і навучальныя праграмы з’яўляюцца з зайздроснай рэгулярнасцю. Тым больш, што чым далей, тым больш творцаў вымушана пакідаць Беларусь. Але яны не згодныя адмаўляцца ад таго, чым займаліся на радзіме.
Якія складанасці ці магчымасці адкрывае эміграцыя перад творчымі людзьмі? Ці здолее беларуская культура не толькі выжыць за мяжой, але і пашырыцца? Якую ролю адыгрывае музыка ў супраціве беларусаў лукашэнкаўскаму рэжыму? На гэтыя ды іншыя пытанні ў эфіры Еўрарадыё адказваюць франтмен культавага віцебскага гурта “Алмазный фронт” Эдуард Юдовін і франтмен культавага гродзенскага гурта “Дзецюкі” Алесь Дзянісаў.
