Як у Грузіі развіталіся з акцёрам і спеваком Вахтангам Кікабідзэ
Тбілісі развітваецца з Вахтангам Кікабідзэ / t.me/sotaproject
У чацвер у Тбілісі развіталіся з акцёрам і спеваком Вахтангам Кікабідзэ. Ён памёр 15 студзеня на 85-м годзе жыцця.
Кікабідзэ — народны артыст Грузіі і заслужаны акцёр Украіны. Ён быў вялікім сябрам украінскага народа. Не дзіўна, што на труне былі сцягі Грузіі і Украіны. На развітальнай цырымоніі прысутнічаў украінскі міністр культуры Аляксандр Ткачэнка, які зачытаў пасланне прэзідэнта Уладзіміра Зяленскага.
У апошні шлях з Вялікай канцэртнай залы ў Тбілісі Вахтанга Кікабідзэ праводзілі пад апладысменты і песні, выкананыя ім. Яго пахавалі на Верыйскіх могілках грузінскай сталіцы.
t.me/sotaproject
