Яшчэ адзін рэгіянальны тэлеграм-чат прызнаны экстрэмісцкім
Інтэрнэт-рэсурсы, якія рызыкнуць перадрукаваць інфармацыю з навагрудскага чата, будуць заблакаваныя / pixabay.com
Тэлеграм-чат "Наваградак для жыцця (чат)" прызнаны экстрэмісцкім, паведамілі ў Генеральнай пракуратуры Беларусі.
Супрацоўнікі пракуратуры Навагрудскага раёна пачыталі, што там пішуць, і вырашылі, што прачытанае можна трактаваць як "заклікі да экстрэмісцкай дзейнасці: несанкцыянаваных мітынгаў і масавых беспарадкаў, актаў вандалізму і хуліганства, а таксама гвалтоўных дзеянняў у дачыненні да супрацоўнікаў органаў унутраных спраў".
У выніку пракурор раёна напісаў заяву ў суд і папрасіў прызнаць інфармацыйную прадукцыю тэлеграм-чата экстрэмісцкімі матэрыяламі. Суд задаволіў заяву. Рашэнне суда ўжо адправілі ў міністэрства інфармацыі, якое павінна ўнесці тэлеграм-чат у спіс экстрэмісцкіх матэрыялаў. Інтэрнэт-рэсурсы, якія рызыкнуць перадрукаваць інфармацыю з навагрудскага чата, будуць заблакаваныя.
